நடைபாதை...!!

காவல்காரனில்லா

நீண்ட நெடிய மாளிகை..
இரவும், பகலும் ஒளிவீசும்
செலவில்லா
நிரந்தர விளக்குகளாய்
சூரியனும், சந்திரனும்...

குளமாய்த் தண்ணீர் தேங்கியிருக்க...
குளியரைத் தேவையில்லை..

ஒரு குடம் நீரில்
வாழ்வியலை கற்பிக்கும்
தண்ணிலாரியிருக்க
குடிநீர்க்கட்டணம் தேவையில்லை..

வீதியோரம் இறைந்துகிடக்கும்
செல்வங்கள்..
சேமிக்க வங்கியில்லை..

சாலையோரம் மலர்ந்திருக்கும்
மலர்கள்..
மணம் உணர மனமில்லை..

இந்தியாவின் அடையாளச்சின்னம்
ஆதரிப்பாரற்று..

எதிர்காலத்தூண்கள்
எடுத்து நிறுத்த ஆட்களில்லை
இவர்கள்தாம் நடைபாதை வாழ்
ந(க)ரகத்து  வாசிகள்...!!!