முரண்பட்ட சிந்தனை

உணர்வுகள் அலட்சியப் படுத்தப்படும்போதுதான் விவேகம் பிறக்கிறது.

*****

மகளாக தாயின் மனம் உணர மறுக்கும் மனம்..

தாயானதும்

மகள் தன்மனம் உணர விரும்பும் மனம்...

முரணான ஆசை...

*****

உறவுகளுக்கிடையில்

பணம் தடையில்லையென எண்ணும் மனம்..

பணத்திற்கு

உறவுகளைத் தடையாக எண்ணும் மனம்..

 *****

ஒருவர் கூறும் பொய் நம்மைக் காயப்படுத்துவதை உணரும் மனம்..

நாம்  கூறும் பொய் அவர் மனதையும் காயப்படுத்தும் என்பதை  உணர மறுக்கும் மனம்...

*****

மனம் பகிர மனிதர் இல்லாத நேரத்தில் பக்குவப்படுத்தும் கண்ணீர்,

மனம் பகிர மனிதர் இருப்பின் பலவீனப்படுத்தவும் செய்யும்..

              மனிதனின் முரண்பட்ட சிந்தனை தொடரும்..

*****