பிரமிக்கவைக்கும் இயற்கை

மரத்திற்கு மரம் தாவிக்குதித்து ஒருநொடி விழுந்துவிடுமோ என நமையெல்லாம் அச்சத்தில் ஆழ்த்தி தன்னுடைய பலவகைக் குறும்புத்தனங்களினால் நமையெல்லாம் மகிழ்விக்கும் குரங்குகள்.. :)

---

ஆகாய காகிதத்தில் 

இயற்கையெழுதிய அழகிய ஓவியத்தில் 
வகைவகையான வண்ணத்தினால்
அழகாய் மிளிர்ந்து 
நமையெல்லாம் வியப்பில் ஆழ்த்தும் 
வானவில்..

---

வறுமையில் - நிறைவையும்
சோர்வில் - சுறுசுறுப்பையும்
சோகத்தில் - மகிழ்ச்சியையும் 

மனிதனுக்கு அளிக்கும் மகத்தான மருந்தாய்

இயற்கை மனிதனுக்கு வழங்கியிருக்கும் 

குழந்தையின் சிரிப்பு...

---

ரசனையற்றவர்களைக்கூட 

ஏதாவது ஒருநொடியில் 

தன்வசம் ஈர்த்துத் தன் அழகால் மகிழ்வித்து 

தன் மணத்தால் மனதை குளிர்வித்து 

முகத்தில் புன்னகையைத் தாங்கச்செய்யும் மலர்கள்...

---