Wednesday, 29 February 2012

அறிந்து கொள்கிறேன்....



உன் புறக்கணிப்பில்
அறிந்துகொள்கிறேன்...

உனை அருகில் கொணரமுடியா
என்னன்பு பொய்த்ததை
அறிந்துகொள்கிறேன்...

அழைக்கும்போது பேசாமல்
அனுதினமும் உரையாட விரும்பும்
பக்குவமற்ற மனதை
அறிந்துகொள்கிறேன்...



நீ கொண்ட பக்குவம்
நானும் பெற
அளிக்கும் பயிற்சியென
அறிந்துகொள்கிறேன்...

உனையறியாமலேயே
அறிந்ததாய் அறிந்தது
அறியாததுவென
அறிந்துகொள்கிறேன்...

அனைத்துமறிந்ததாய்
நான் கொண்டது
அகந்தையென
அறிந்துகொள்கிறேன்.....

உன் புறக்கணிப்பில்
கற்பதற்காயிர மிருப்பதை
அறிந்துகொள்கிறேன்...

உன் காலடித் தொடர்ந்து
அறியாததை
அறிந்துகொள்ள
ஆர்வமாயிருக்கிறேன்...
நீ புறக்கணித்துக் கொண்டேயிரு.....!!!

No comments:

Post a Comment

வருகைக்கும் வாழ்த்திற்கும் நன்றி. :) __/|\__